外國媒體彭博社報導一項毋是新消息的代誌，彼咧是佇中國內蒙古的朱日和基地內底有親像台灣總統府衙的建築。毋過幾若冬進前已經予軍武迷注意點，甚至媒體已經報導過。

Guā-kok muî-thé Bloomberg pò-tō tsi̍t-hāng m̄ sī sin-siau-sit ê tāi-tsì, he teh sī tī Tiong-kok Lāi-Mongolia ê Ti-ji̍t-hô-ki-tuē lāi-tué ū tshin-tshiūnn Tâi-uân-Tsóng-thóng-hú-gê ê kiàn-tio̍k. M̄-koh kuí-nā-tang tsìn-tsîng í-king hōo kun-bú-bê tsù-ì-tio̍h, sīm-tsì muî-thé í-king pò-tō kè. 中國彼爿不只是佇軍事基地內底建親像台灣總統府衙等等的重要軍政地點的建築，猶閣有佇內蒙古的沙漠複製映刻台灣中部重要的軍事機場的清泉崗機場。

Tiong-kok hit pîng put-tsí-sī tī kun-sū-ki-tuē lāi-tué kiàn tshin-tshiūnn Tâi-uân ê Tsóng-thóng-hú-gê tíng-tíng ê tiōng-iàu kun-tsìng tuē-tiám ê kiàn-tio̍k, iáu-koh ū tī lāi-Mongolia ê sua-bo̍k ho̍k-tsè ìn-khik Tâi-uân-tiong-pōo tiōng-iàu ê kun-ki-tiûnn ê Tshing-tsuân-kong-ki-tiûnn.

中國長期對台灣有領土野心，因為台灣島控制中國進出西太平洋的重要孔道。另外中國對台灣自我治理的政府嘛一直看無順眼，一直想方設法愛消滅台灣以國家的型式存在的事實，聲稱愛「統一」台灣變成中國一個省予中國管理。中國仿做台灣tiōng-iàu軍事基地，供解放軍訓練模擬進攻臺灣軍政地點，並毋是新消息。

Tiong-kok tn̂g-kî tuì Tâi-uân ū líng-thóo-iá-sim, in-uī Tâi-uân-tóo khòng-tsè Tiong-kok tsìn-tshut Se-Thài-pîng-iûnn ê Tiōng-iàu kháng-tō. Līng-guā Tiong-kiōng tuì Tâi-uân tsū-guá tī-lí ê tsìng-hú mā it-ti̍t khuànn bô sūn-gán, it-ti̍t siong-hong-siat-huat ài siau-bia̍t Tâi-uân í kok-ka ê hîng-sik tsûn-tsāi ê sū-si̍t, sing-tshing ài “thóng-it” Tâi-uân piàn-sîng Tiong-kok tsit4-ê síng hōo Tiong-kok kuán-lí. Tiong-kok hóng-tsō Tâi-uân tiōng-iàu kun-sū-ki-tuē, kiong kái-hòng-kun hùn-liān bôo-gí tsìn-kong Tâi-uân kun-tsìng tuē-tiám, pīng m̄ sī sin-siau-sit.

你會當佇開放街圖頂懸共台北的總統府衙和朱日和基地內底仿製的建築互相比較，看有啥物無仝佮相仝的所在。已經有圖客畫仿製的模擬訓練的建築啦。

Lí ē-tàng tī khai-hòng-kue-tôo tíng-kuân kā Tâi-pak ê Tsóng-thóng-hú-gê hām Tsu-ji̍t-hô-ki-tuē lāi-tué hóng-tsè ê kiàn-tio̍k hōo-siong pí-khah, khuànn ū siánn-mih bô kâng kah sio-kâng ê sóo-tsāi. Í-king ū tôo-kheh uē hóng-tsè ê bôo-gí hùn-liān ê kiàn-tio̍k–lah.