PE̍H-ŌE-JĪ pán-pún:

Góa tī-teh MapComplete Telegram kûn-cho͘ ê liû-giân:

Kí-gōa nî-chêng, Tâi-oân ū-chi̍t-kóa tô͘-kheh khai-sí Lim-chúi tōe-tô͘, chia-ê tô͘-kheh put-chí-sī piáu-sī lim-chúi-tiám, mā siūⁿ-boeh kā Lim-chúi tōe-tô͘ bāng-chām ê têng-sek-bé, ōaⁿ pa̍t-ê chú-tê thui-chhut lēng-gōa ê chú-tê tōe-tô͘, lâi thui-sak Khai-hóng kòe-tō͘. M̄-koh chiâⁿ khó-sioh bô-hoat-tō͘ the̍h-tio̍h chu-goân lâi thui-sak bô-kâng ê chú-tê tōe-tô͘, khip-ín Tâi-oân-lâng lâi chham-ú Khai-hóng koe-tô͘.

Chin-hoaⁿ-hí MapComplete ē-tàng tit-tio̍h Khai-hóng Koe-tô͘ Ki-kim-hōe, Khai-hóng Tì-sek Pí-lī-sî, Trage Wegen, OSGeo Belgium, Jîn-tō Kiù-oān Khai-hóng Koe-tô͘ Sió-cho͘, Ûi-sit Tōe-tô͘ téng-téng ê chi-oān, ē-tàng hō͘ kong-iōng pán-pún ê chú-tê tōe-tô͘ 成為 chi̍t-chióng khó-lêng.

Chìn-chêng choān-siá Lim-chúi Tōe-tô͘ siong-koan ê bûn-chiuⁿ, ē-tàng khah chheng-chhó liáu-kái siā-kûn kah NGO chih-chiap ê būn-tê: 1, 2

Tâi-lô pán-pún:

Guá tī-teh MapComplete Telegram kûn-tsoo ê liû-giân:

Kí-guā nî-tsîng, Tâi-uân ū-tsi̍t-kuá tôo-kheh khai-sí Lim-tsuí tuē-tôo, tsia-ê tôo-kheh put-tsí-sī piáu-sī lim-tsuí-tiám, mā siūnn-bueh kā Lim-tsuí tuē-tôo bāng-tsām ê tîng-sik-bé, uānn pa̍t-ê tsú-tê thui-tshut līng-guā ê tsú-tê tuē-tôo, lâi thui-sak Khai-hóng kuè-tōo. M̄-koh tsiânn khó-sioh bô-huat-tōo the̍h-tio̍h tsu-guân lâi thui-sak bô-kâng ê tsú-tê tuē-tôo, khip-ín Tâi-uân-lâng lâi tsham-ú Khai-hóng kue-tôo.

Tsin-huann-hí MapComplete ē-tàng tit-tio̍h Khai-hóng Kue-tôo Ki-kim-huē, Khai-hóng Tì-sik Pí-lī-sî, Trage Wegen, OSGeo Belgium, Jîn-tō Kiù-uān Khai-hóng Kue-tôo Sió-tsoo, Uî-sit Tuē-tôo tíng-tíng ê tsi-uān, ē-tàng hōo kong-iōng pán-pún ê tsú-tê tuē-tôo 成為 tsi̍t-tsióng khó-lîng.

Tsìn-tsîng tsuān-siá Lim-tsuí Tuē-tôo siong-kuan ê bûn-tsiunn, ē-tàng khah tshing-tshó liáu-kái siā-kûn kah NGO tsih-tsiap ê būn-tê: 1, 2

漢字版本：

我佇咧 MapComplete 群組的留言：

幾偌年前，台灣有一寡圖客開始啉水地圖，遮的圖客希望不止是標示啉水點，嘛想共佮啉水地圖網站的程式碼，換別的主題推出另外的主題地圖，來推捒開放街圖。毋過誠可惜無法度提著資源來推捒無仝的主題地圖，吸引台灣人來參與開放街圖。

真歡喜 MapComplete 會當得著開放街圖基金會，開放智識比利時，Trage Wegen、OSGeo Belgium、人道救援開放街圖小組、遺失地圖等等的支援，會當予公用版本的主題地圖成為一種可能。

進前撰寫啉水地圖相關的文章，會當較清楚瞭解社群佮 NGO 接接的問題：1、2