Pe̍h-ōe-jī Pán-pún

Tâi-oân chhun-lí ê chu-liāu in-ūi Wikidata siā-kûn chhú-lí hōe-ji̍p ê sî-chūn, the̍h Chú-kè-chhù 2017-nî ê chu-liāu lâi hōe-ji̍p, chō-sêng 2018-nî sin-tiâu-chèng ê chhun-lí, chhin-chhiūⁿ sī Tâi-lâm-chhī hêng-chèng-khu tōa-chéng-pèng, iáu-koh-ū in-ūi jîn-kháu chōe só͘-í hun-thiah ê lí, pēng bô sin-cheng kàu Wikidata téng-koân. Che tō chō-sêng tī OpenStreetMap chit-pêng ū chhun-lí koan-hē tùi-èng bōe-tio̍h Wikidata ê chōng-hóng.

kóng-tio̍h OpenStreetMap chit-pêng, tong-chho͘ Chìn-hoân sī ēng Lōe-chèng-pō͘ Kok-thó͘ Chhek-hōe Tiong-sim sek-hòng ê shape tóng-àn, lâi chhú-lí tùi-èng Hō͘-e̍k-chèng Hē-thóng Tāi-bé, iáu-koh-ū āu-sio̍k tùi-èng Wikidata sî, chhái-iōng pí-kàu sin jî-chhiáⁿ keng-sin khah kín ê chu-liāu, in-chhú tī OpenStreetMap chia kan-ta chha 一个 2021-nî 2-ge̍h chhoe-it sêng-li̍p ê lí, sī tī-teh Hûn-lîm-koān Táu-la̍k-chhī ê Chèng-sim-lí, só͘-í būn-tê bô-tōa, sin-cheng-ka koan-hē tō ē-sái lah.

Hôe kàu Wikidata chit-pêng, 2019-nî khai-sí ū-chi̍t-kóa Wikidata ê chham-ú-chiá khai-sí hōe-ji̍p chhun-lí, siông-sòe khòaⁿ chhun-lí hāng-bo̍k ka ê chham-khó-chu-liāu, sī ēng Chú-kè-chhù ê chhun-lí tùi-èng Hō͘-e̍k-chèng hē-thóng tāi-bé ê tóng-àn. Chú-kè-chhù ê tóng-àn kan-ta keng-sin kàu 2017-nî 1-ge̍h 31-hō, í-āu tō bô keng-sin lah, ti̍t-chiap iōng Lōe-chèng-pō͘ ê Hō͘-e̍k-chèng hē-thóng tāi-bé. Chin-chōe-lâng chōe chhun-lí hōe-ji̍p ê sî-chūn iōng-tio̍h kū ê chu-liāu, chō-sêng āu-lâi sin-cheng-ka ê chhun-lí pēng bô hōe-ji̍p kàu Wikidata téng-koân, kè-kiong ū 75-ê sin-cheng-ka ê chhun-lí, pēng-bô siu-lio̍k kàu Wikidata.

Wikidata chit-pêng chòe hōe-ji̍p ê lâng, 2020-nî lōng chhun-lí, mā bô-chù-ì tio̍h hit-sî-chūn ū chi̍t-kóa chhun-lí í-keng chéng-pèng siau-sit leh, m̄-koh in-ūi chhái-iōng chú-kè-chhù kū-ê chu-liāu só͘-í bô-hoat-tō͘ hoat-kak kàu būn-tê. Lán mā ē-tàng khòaⁿ-tio̍h chia-ê hōe-ji̍p chhun-lí hāng-bo̍k khiàm-chió Eng-bûn ê chōng-hóng.

In-chhú ū nn̄g-kiāⁿ tāi-chì boeh chòe, tē-it-kiāⁿ tāi-chì sī boeh kā Wikidata téng-koân khiàm-chió ê pó͘-chiok, lēng chi̍t-ê sī kā chéng-pèng ê chhun-lí, tī-teh Wikidata piáu-sī chéng-pèng ê ji̍t-chí, OpenStreetMap siā-kûn chiah ē-tàng kā chia-ê bô Wikidata liân-kiat ê chhun-lí koan-hē ka-siōng Wikidata liân-kiat.

Bī-lâi iáu-koh-ū Pîn-tong-chhī kah Tang-káng-tìn ê sin-cheng-ka ê lí, khòaⁿ-khí-lâi ē hun-phòe kàu sin-ê Hō͘-e̍k-chèng hē-thóng tāi-bé, OpenStreetMap sī boeh hoán-èng chek-sî chōng-hóng, OpenStreetMap sī ē-tàng ū-sian pian-chi̍p ū-tēng sin-cheng-ka ê lí. Bo̍k-chêng sian iōng hackmd choān-siá Tâi-oân Chhun-lí Chéng-lí (2021), hia̍p-tông OpenStreetMap kah Wikidata Tâi-oân hiān-chú-sî boeh-chòe ê tāi-chì.

Tâi-lô pán-pún

Tâi-uân tshun-lí ê tsu-liāu in-uī Wikidata siā-kûn tshú-lí huē-ji̍p ê sî-tsūn, the̍h Tsú-kè-tshù 2017-nî ê tsu-liāu lâi huē-ji̍p, tsō-sîng 2018-nî sin-tiâu-tsìng ê tshun-lí, tshin-tshiūnn sī Tâi-lâm-tshī hîng-tsìng-khu tuā-tsíng-pìng, iáu-koh-ū in-uī jîn-kháu tsuē sóo-í hun-thiah ê lí, pīng bô sin-tsing kàu Wikidata tíng-kuân. Tse tō tsō-sîng tī OpenStreetMap tsit-pîng ū tshun-lí kuan-hē tuì-ìng buē-tio̍h Wikidata ê tsōng-hóng.

kóng-tio̍h OpenStreetMap tsit-pîng, tong-tshoo Tsìn-huân sī īng Luē-tsìng-pōo Kok-thóo Tshik-huē Tiong-sim sik-hòng ê shape tóng-àn, lâi tshú-lí tuì-ìng Hōo-i̍k-tsìng Hē-thóng Tāi-bé, iáu-koh-ū āu-sio̍k tuì-ìng Wikidata sî, tshái-iōng pí-kàu sin jî-tshiánn king-sin khah kín ê tsu-liāu, in-tshú tī OpenStreetMap tsia kan-ta tsha 一个 2021-nî 2-ge̍h tshue-it sîng-li̍p ê lí, sī tī-teh Hûn-lîm-kuān Táu-la̍k-tshī ê Tsìng-sim-lí, sóo-í būn-tê bô-tuā, sin-tsing-ka kuan-hē tō ē-sái lah.

Huê kàu Wikidata tsit-pîng, 2019-nî khai-sí ū-tsi̍t-kuá Wikidata ê tsham-ú-tsiá khai-sí huē-ji̍p tshun-lí, siông-suè khuànn tshun-lí hāng-bo̍k ka ê tsham-khó-tsu-liāu, sī īng Tsú-kè-tshù ê tshun-lí tuì-ìng Hōo-i̍k-tsìng hē-thóng tāi-bé ê tóng-àn. Tsú-kè-tshù ê tóng-àn kan-ta king-sin kàu 2017-nî 1-ge̍h 31-hō, í-āu tō bô king-sin lah, ti̍t-tsiap iōng Luē-tsìng-pōo ê Hōo-i̍k-tsìng hē-thóng tāi-bé. Tsin-tsuē-lâng tsuē tshun-lí huē-ji̍p ê sî-tsūn iōng-tio̍h kū ê tsu-liāu, tsō-sîng āu-lâi sin-tsing-ka ê tshun-lí pīng bô huē-ji̍p kàu Wikidata tíng-kuân, kè-kiong ū 75-ê sin-tsing-ka ê tshun-lí, pīng-bô siu-lio̍k kàu Wikidata.

Wikidata tsit-pîng tsuè huē-ji̍p ê lâng, 2020-nî lōng tshun-lí, mā bô-tsù-ì tio̍h hit-sî-tsūn ū tsi̍t-kuá tshun-lí í-king tsíng-pìng siau-sit leh, m̄-koh in-uī tshái-iōng tsú-kè-tshù kū-ê tsu-liāu sóo-í bô-huat-tōo huat-kak kàu būn-tê. Lán mā ē-tàng khuànn-tio̍h tsia-ê huē-ji̍p tshun-lí hāng-bo̍k khiàm-tsió Ing-bûn ê tsōng-hóng.

In-tshú ū nn̄g-kiānn tāi-tsì bueh tsuè, tē-it-kiānn tāi-tsì sī bueh kā Wikidata tíng-kuân khiàm-tsió ê póo-tsiok, līng tsi̍t-ê sī kā tsíng-pìng ê tshun-lí, tī-teh Wikidata piáu-sī tsíng-pìng ê ji̍t-tsí, OpenStreetMap siā-kûn tsiah ē-tàng kā tsia-ê bô Wikidata liân-kiat ê tshun-lí kuan-hē ka-siōng Wikidata liân-kiat.

Bī-lâi iáu-koh-ū Pîn-tong-tshī kah Tang-káng-tìn ê sin-tsing-ka ê lí, khuànn-khí-lâi ē hun-phuè kàu sin-ê Hōo-i̍k-tsìng hē-thóng tāi-bé, OpenStreetMap sī bueh huán-ìng tsik-sî tsōng-hóng, OpenStreetMap sī ē-tàng ū-sian pian-tsi̍p ū-tīng sin-tsing-ka ê lí. Bo̍k-tsîng sian iōng hackmd tsuān-siá Tâi-uân Tshun-lí Tsíng-lí (2021), hia̍p-tông OpenStreetMap kah Wikidata Tâi-uân hiān-tsú-sî bueh-tsuè ê tāi-tsì.

漢字版本

台灣村里的資料因為Wikidata社群處理上傳匯入的時陣，拿主計處2017年資料來匯入，造成2018年新調整的村里，親像是台南市里行政區大整併，猶閣有一寡因為人口濟所以分拆的里，並無新增到Wikidata頂懸。這就造成佇OpenStreetMap這爿有村里關係對應袂著Wikidata。

講到OpenStreetMap這爿，當初晉帆是用內政部國土測繪中心釋出的shape檔案，來處理對應戶役政系統代碼，猶閣後續對應Wikidata，採用比較新而且更新較緊的資料，因此佇OpenStreetMap只有差一個2021 02/01成立的里，是佇雲林縣斗六市正心里，所以問題無大，新增關係就會使啦。

回到Wikidata這爿，2019年開始有一寡Wikidata的參與者開始匯入村里，詳細看村里項目加的參考資料，是用主計處的村里對應戶役政系統代碼的檔案。主計處檔案干焦更新到2017-01/31，以後就無更新啦，直接用內政部的戶役政系統代碼。真濟人做村里匯入用著舊資料，造成後來新增的村里並無匯入到Wikidata頂懸，計共有75个新增的村里，並無收錄到Wikidata。

Wikidata這爿做匯入的人，2020年弄村里，紲有不少村里彼時陣早已經整併消失咧，毋過因為採用主計處檔案無法度察覺到問題。主計處檔案猶閣無英文名稱，我們嘛會當看著遮的匯入村里項目看著欠少英文標籤的狀況。

因此有兩件代誌欲做，第一件代誌是欲共Wikidata頂懸欠少的補足，另一个是共整併的村里，佇Wikidata標示整併的日期。佇咧第一件代誌紲了後，OpenStreetMap社群才會當共遮的沒有Wikidata連結的村里關係加Wikidata連結。

未來猶閣有屏東市佮東港鎮的新增的里，看起來會分配到新的戶役政系統代碼，OpenStreetMap是欲反映即時狀況，需要等到成立的那天才會使編輯更新，不而過Wikidata紲毋是，是會當預先編輯預定新增的里。目前先用hackmd撰寫台灣村里整理 (2021)，協同OpenStreetMap佮Wikidata台灣社群現此時做的代誌。