這改 State of the Map Asia 2024 大會，毋是佇逐家愛去𨑨迌的旅遊勝地泰國舉行，顛倒是佇民風較祕思，國家較封閉的孟加拉舉行。而且佇落尾的時，確實有人簽證問題無法度入境到位會場。閣加添孟加拉政局無穩定，進前總理流亡，共頭前講的原因加加起來，予世界各國的人無想欲來。這个大會會當講是孟加拉人為主，極加加添我這款會當入境的外國人。

孟加拉是少年人的國家，一般看著的參與者是學生，幫贊國際援助計畫累積基礎的地理圖資。閣有參與的老師𤆬學生，有各種的社團，比喻講孟加拉各大學的 YouthMappers 組織攏有參與，發表𪜶參與的計畫。應該是有一工社會發達，一陣學生較有歲，相信下開始畫四箍圍的店頭佮都市的建築。

閣來講起亞太的開放地圖的參與情形，除了社會經濟狀況允準以外，會當有個人發起的興趣小組佮有貢獻動機的網路鄉民以外，足濟是用援助計畫的資源來進行基礎圖資的繪製，順紲執行較現代的議題，親像講綠能相關的，比喻講達卡的日頭能枋的分佈。

演講的部份，𪜶用較奇妙的十分鐘為一个單位進行，家己無細膩投兩份演講，著勉強共平常時紹介 OpenStreetMap 的簡報拆做兩份，第一工紹介台灣的社群，進行的計畫佮未來展望，第二天就是講個別台灣社群成員的計畫。

當時欲入境孟加拉拄著挑戰，予移民官擋咧留話，愛主辦單位出面解釋，才予入境。落尾到位 Cox’s Bazar，除了佇會場發表，嘛聽捌人的經驗，體驗孟加拉旅遊勝地，會當講是孟加拉的墾丁𨑨迌踅踅。我逐家會當到海沙埔散步，體驗印度洋的海風佮海波浪。這馬回想一逝旅行，對孟加拉落地簽申請的難題，趁大會佇孟加拉舉辦的機會來到孟加拉，解鎖一个南亞國家的成就。