感謝 TomTom 台灣辦公室 ê 牽成，由𪜶公司成大測量系系友去接接，閣加上 OpenStreetMap Taiwan ū 申請社群的 Tasking Manager 管理權限，會當新增適合本地進行 ê 專案，才有這改 ê 機會去成大進行 OpenStreetMap 圖客工作坊，並且用 Tasking Manager 來分配繪製台灣本地 ê 圖資。

• 專案連結：https://tasks.hotosm.org/projects/16316
• 簡報連結：https://hackmd.io/@osm-tw/HJJqv7HC6#
• OSMCha 連結：學生ê 編輯監控

▲ Tasking Manager ê 專案，這改 boeh 繪製 ê 範圍-台南學甲區

這改成大圖客松 3/26 為止攏總 ū 107 个編輯變動，29 个 sī 工作人員 ê 編輯變動，3 个社群朋友 ê 編輯變動，22 位學生投入編輯總共 ū 75 个編輯變動，設定繪製 ê 目標建築，總共畫出 369 棟。

學生家己動手了後，投入 ê 狀況猶袂䆀，頭起先紹介𪜶 OpenStreetMap ê 基礎智識，閣來予𪜶知影資料 boeh 按怎產生–ê，落尾家己動手來做。毋過整體時間干焦一个半點鐘，其實時間無夠用，除非抵著比較庄腳 ê 任務，正常來講可能一塊當中 ê 建築攏畫袂完。

這改邀請方 sī 成大測量系，佮老師話仙時，𪜶定定 teh 運用 OpenStreetMap 資料，老師和社群部分 sī 熟似早年 ê OpenStreetMap 台灣社群走跳 ê Dongpo，因此 OpenStreetMap 相關 ê 智識 sī tuì Dongpo 來–ê，嘛是真合理 ê 代誌，因為 Dongpo 嘛是空間資訊學科背景 ê 人。

… See full entry

因為選舉緣故有人來創治線頂地圖，共𪜶想欲罵的候選人的問題別莊、舊厝抑是土地畫到地圖頂懸，線頂地圖攏受著影響，其中這改竟然有人想著OpenStreetMap矣。

In-ūi soán-kí iân-kò͘ ū-lâng lâi chhòng-tī sòaⁿ-téng tōe-tô͘, kā in siūⁿ-boeh mē ê hāu-soán-lâng ê būn-tê pia̍t-chong, kū-chhù ia̍h-sī thô͘-tōe ōe kàu tōe-tô͘ téng-koân, sòaⁿ-téng tōe-tô͘ lóng siū-tio̍h éng-hióng, kî-tiong chit-kái kèng-jiân ū-lâng siūⁿ-tio̍h OpenStreetMap–ah

頭起先來講逐家攏知，全臺迵知的Google地圖。Google地圖予人創甲留無全屍，基本上是一陣人去大量改，真簡單予人改好顯示到地圖頂懸，你會當看著各種歹聽的名號出現矣。賴清德、馬文君、謝衣鳳、柯文哲的爭議所在予人標示。

Thâu-khí-sian ta̍k-ke lóng-chai, choân-tâi thàng-chai ê Google tōe-tô͘. Google tōe-tô͘ hō͘-lâng chhòng kah lâu-bô choân-si, ki-pún-siōng sī chi̍t-tīn-lâng khì tōa-liōng kái, chin kan-tan hō͘-lâng kái=hó hián-sī kàu tōe-tô͘ téng-koân, lí ē-tàng khòaⁿ-tio̍h kok-chióng pháiⁿ-thiaⁿ ê miâ-hō chhut-hiān–ah. Lōa Chheng-tek, Má Bûn-kun, Chiā I-hōng, Koa Bûn-tiat ê cheng-gī só͘-chai hō͘-lâng piau-sī.

OpenStreetMap欲申請口座是真簡單，凊彩畫加添假的資料嘛是會用得，毋過有社群佇咧守護地圖的資料，真緊予恢復轉來矣。社群有討論欲按怎來編輯，凡勢有照on the ground原則編輯就會使矣。台灣的社群OpenStreetMap Taiwan teh 守護圖資，莫予人烏白來是做甲足讚的！

OpenStreetMap boeh sin-chhéng kháu-chō sī chin kan-tan, chhìn-chhái ōe sīm-chì ka-thiam ké–ê chu-liāu mā-sī ē-ēng-tit, m̄-koh ū siā-kûn tī-teh siú-hō͘ tōe-tô͘ ê chu-liāu, chin-kín hō͘ hoe-ho̍k tńg–lâi–ah. Siā-kûn ū thó-lūn boeh án-chóaⁿ lâi pian-chip, hoān-sè ū-chiàu on the ground goân-chek pian-chip tō ē-sái–ah. Tâi-oân ê siā-kûn OpenStreetMap Taiwan chiok-chàn–ê!

聽講中文維基百科嘛有人想欲寫賴清德祖厝戲弄的名號賴皮寮，欲創條目予人擋掉，嘛有想等自動確認用戶的身份提著了後繼續，真正害，毋知袂當按呢做的原因。

Thiaⁿ-kóng Tiong-bûn Ûi-ki Pah-kho mā-ū-lâng siūⁿ-boeh siá Lōa Chheng-tek chó͘-chhù hí-láng ê miâ-hō Lōa-phôe-liâu, boeh chhòng tiâu-bo̍k hō͘-lâng tóng–tiāu, mā ū siūⁿ tán chū-tōng khak-jīn iōng-hō͘ ê sin-hūn the̍h-tio̍h liáu-āu kè-siok, chin-chiàⁿ hāi, m̄-chai bōe-tàng án-ni chòe ê goan-in.

選舉相關爭議佮地圖編輯整理列表，落尾佇論壇發文：

Soán-kí siong-koan cheng-gī kah tōe-tô͘ pian-chip chéng-lí lia̍t-pió, lo̍h-bé tī lūn-tôaⁿ hoat-bûn:

… See full entry

昨天挑时间学了怎么画公交，拿了一条线路练手，感觉不错。看到自己画的那条长线在小缩放层级下依然显眼就觉得十分开心。 要开学了呢……赶在开学之前把济宁公交c621a和c621b路画完再把从徐州到济南这一路上所用到的公交线路画完吧。争取不上晚自习这样的话一天多出来了几个小时的空闲时间呢。

本文章同時嘛有提供 English version kah 台灣華語版本

最近台灣 sī 新聞 kah 地綠政治 ê 熱門話題。最近看著臺灣 BBS 站 PTT 佇咧討論步兵期刊步兵訓練指揮部軍官所寫 ê 屏東南爿 ê 防禦計畫ê文章。

準做地圖因為 ū 敏感 ê 內容，所以 ài 霧霧處理，毋過青色 ê 森林傷影目–ah，文章當中 ê 軍圖底圖 sī 真真正正 ê OpenStreetMap 無毋著。bueh 感謝辛苦做議量 ê OpenStreetMap 貢獻者 ê 時間畫臺灣 ê 森林。

… See full entry

不知道怎么测量两点距离，有没有教一下的 I don’t know how to measure the distance between two points. Have you taught me anything

本文章同時嘛有提供 English version 佮華語版本

開放街圖臺灣社群（OpenStreetMap 臺灣社群）誠歡喜爭取到維基媒體基金會的聯盟補助，主要欲買兩台 Insta360 One X2 翕相機（佮相關的配件），猶閣有規劃對2022年3月開始，一直到2023年2月的街景踏查團佮對應的編輯工作坊活動。咱欲辦理六擺實地踏查佮至少六擺的編輯工作坊。社群成員欲共360翕相機囥佇汽車車頂，若開車若翕360相片，翕猶未翕著街景的所在。翕了後佇咧電腦前，閣來若看翕的相片，若編輯 OpenStreetMap 共編地圖添加資料，猶有共路途中間經過的景緻佮在庄聚落，共相關相片上傳到 Wiki Commons 多媒體站。

Khai-hóng Kue-tôo Tâi-uân Siā-kûn（OpenStreetMap Tâi-uân Siā-kûn）tsiânn huann-hí tsing-tshú kàu Uî-ki Muî-thé Ki-kim-huē ê Liân-bîng Póo-tsōo, tsú-iàu bueh bué nn̄g-tâi Insta360 One X2 hip-siòng-ki (Kah siong-kuan ê phuè-kiānn), iáu-koh-ū kui-uē tuì 2022-nî 3–ge̍h khai-sí, it-ti̍t kàu 2023-nî 2–ge̍h ê kue-kíng tah-tshâ-thuân kah tuì-ìng ê pian-tsi̍p kang-tsok-hong ua̍h-tōng. Lán-bueh pān-lí la̍k-pái si̍t-tuē tah-tsâ kah tsì-tsió la̍k-pái ê pian-tsi̍p kang-tsok-hong. Siā-kûn sîng-uân bueh kā 360 hip-siòng-ki khǹg tī khì-tshia tshia-tíng, nā khui-tshia nā hip 360 siòng-phìnn, hip iah-bē hip-tio̍h kue-kíng ê sóo-tsāi. hip liáu-āu tī tiān-náu tsîng, koh-lâi nā khuànn hip–ê siòng-phìnn, nā pian-tsi̍p OpenStreetMa kiōng pian tuē-tôo thiam-ka tsu-liāu, iáu-ū kā lōo-tôo tiong-kan king-kè ê kíng-tì kap tsāi-tsng tsu-lo̍h, kā siong-kuan siòng-phìnn siōng-thuân kàu Wiki Commons to-muî-thé-tsām.

這擺踏查團和頂擺行無仝的方向，頂擺是對北海岸（主要是基隆、金山、萬里）的方向行，毋過這擺是對鶯歌、三峽、大溪的方向翕相，和頂擺無仝，這擺是三台車的出發地點攏無仝（筆者駕駛的車是對和運租車新店站出發的，佇出發進前嘛發見路對面的新店區公所站二號出口猶未翕過，所以就順手翕一張囥佇 Wikimedia Commons頂懸）。

Tsit-pái tah-tsha-thuân hām tíng-pái kiânn bô-kâng ê hong-hiòng, tíng-pái sī tuì Pak-hái-huānn (tsú-iàu sī Ke-lâng, Kim-san, Bān-lí) ê hong-hiòng kiânn, m̄-koh tsit-pái sī tuì Ing-ko,Sam-kiap, Tāi-khe ê hong-hiòng hip-siòng, hām tíng-pái bô-kâng, tsit-pái sī sann-tâi-tshia ê tshut-huat tuē-tiám lóng bô-kâng (pit-tsiá ká-sú ê tshia sī tuì Hô-ūn Tsoo-tshia Sin-tiàm-tsām tshut-huat ê, tī tshut-huat tsìn-tsîng mā huat-kìnn lōo tuì-bīn ê Sin-tiàm Khu-kong-sóo tsām 2-hō tshut-kháu iah-bē hi̍p–kè, sóo-í tō sūn-tshiú hip tsi̍t-tiunn khǹg tī Wikimedia Commons 頂懸）.

… See full entry

▲ 第二擺的工作坊的相片

本文嘛有 Taiwanese Mandarin (台灣華語) 佮 英文 / English 版本

---

著，你無看毋著，頂擺是第一擺的街景踏查團，毋過這擺是第二擺的編輯工作坊，你敢好玄為何毋是第一擺的編輯工作坊，這……講起來話頭長，莫佇遮寫好啦XD，看頂擺的日記猶是有法度看會出來，抑是佇聚會時來共咱開講。

Tio̍h, lí bô khuànn-m̄-tio̍h, tíng-pái sī Tē-it-pái ê kue-kíng tah-tsâ-thuân, m̄-koh tsit-pái sī tē-jī-pái ê pian-tsi̍p kang-tsok-hong, lí kám hònn-hiân uī-hô m̄-sī tē-it-pái ê pian-tsi̍p kang-tsok-hong, tse……kóng-khí-lâi uē-thâu-tn̂g, mài tī tsia siá hó–lah XD, khuànn tíng-pái ê ji̍t-kì 猶是 ū-huat-tōo khuànn-ē–tshut-lâi, ia̍h-sī tī tsū-huē sī lâi kā lán khai-káng.

是講，自頂擺的街景踏查團 ~~（公費旅行團）~~ 了後，開放街圖臺灣社群（OpenStreetMap 臺灣社群）佇2022年5月22號佇摩茲工寮舉辦用來編輯街景踏查團收集到資料的工作坊。毋過台灣疫情因素，予實體活動的參與人數變真少，嘛仝步影響這擺第二擺工作坊出席人數。毋過猶是有兩位地理老師來到現場。

… See full entry

• 台灣華語版本：osm.org/user/s8321414/diary/399202
• English Version: osm.org/user/assanges/diary/399210

臺文漢字版本

開放街圖臺灣社群（OpenStreetMap 臺灣社群）誠歡喜爭取到維基媒體基金會的聯盟補助，主要欲買兩台 Insta360 One X2 相機（佮相關的配件），猶閣有規劃對2022年3月開始，一直到2023年2月的街景踏查團佮對應的編輯工作坊活動。咱欲辦理六擺實地踏查佮至少六擺的編輯工作坊。社群成員欲共360相機囥佇汽車車頂，若開車若翕360相片，翕猶未翕著街景的所在。翕了後佇咧電腦前，閣來若看翕的相片，若編輯 OpenStreetMap 共編地圖添加資料，猶有共路途中間經過的景緻佮在庄聚落，共相關相片上傳到 Wiki Commons 多媒體站。

社群頭起先佇2022年3月19號先佇台北的摩茲工寮舉辦踏查團的前導工作坊，頂個月（也就是2022年4月）24號舉辦第一改的街景踏查團，佇咧取車抑是自駕到位時，先佇咧央北重劃區安裝翕相機佮試翕，4台車攏總11个人出發欲去基隆、金山、萬里等行政區，其中翕國道三號部份欠缺街景的路段。路途當中佇仙洞隧道歇停，毋過干焦翕磅空兩爿的磅空口，磅空本體目前是無法度入去的。閣來一陣人分做去仙洞巖佮迴車塔。仙洞嚴彼組是入去廟內的一線天，不而過燈火較暗翕的效果無蓋好。迴車塔彼組是翕台灣較罕得看的人工車道斜坡。後來咱去大武崙漁港附近會合，歇睏時補充熱量佮水份，仝一个時間觀察週末的海沙埔佇疫情影響之下，嘛是有足濟民眾佇海沙埔耍水。

中晝佮下晡時間去金山老街等所在踅踅，佇水尾漁港揣食的佮踏查取材。猶有到金山老街品嘗芋圓美味了後，閣兵分多路轉去台北。

OpenStreetMap 台灣預計佇本月（2022年5月）22號仝款佇摩茲工寮舉辦第一次的街景踏查團編輯工作坊，活動當中會利用事先上傳到 Mapillary、KartaView 等開放的街景網站的相片來編輯 OpenStreetMap（變更集將會帶有 #streetsurveyTW 主題標籤），嘛會對翕的相片當中揀選部份景點抑是維基媒體計畫中無照片或當地相片真舊猶未更新，共新翕的相片上傳到維基共享資源，仝時嘛會當利用上傳到維基共享資源的相片來編寫維基百科、維基導遊抑是維基數據等維基媒體專案。歡迎有興趣的人報名參與！

咱向望開放街圖佮維基媒體等等開放內容的計畫會當愈來愈好，產出閣較濟高品質的資料！

有關聯盟補助的代誌

2021年第四季時，維基媒體基金會公佈新的補助方案：維基媒體聯盟補助，這項補助會資助佮維基媒體計畫有關的專案，毋過並毋是各地的維基媒體自治體提出的提案。

有關 OpenStreetMap 臺灣的代誌

OpenStreetMap 臺灣由臺灣關心投入 OpenStreetMap 的編輯者構成，自 2010 年開始對個人獨編輯變成集合閣較濟人參與的共編地圖專案的在地社群。目前佇臺灣有佇台北佮 Wikidata 社群共同舉行 OpenStreetMap x Wikidata 月聚，嘛有不定期的踏查活動。

本文感謝 Supaplex 協助校對並翻譯成台文版，英文版由 assanges 翻譯，並以姓名標示-相同方式分享 4.0 國際授權。

Tâi-lô pán-pún

… See full entry

最近香港遐个 OpenStreetMap 社群有出代誌，有人一直共山的名改做舊的名，閣加添聚落的名改做舊的名。有較資深的人共伊講會當添加 alt_name 抑是 old_name 嘛袂聽得。有山友看袂落去，開記者會共大眾報告，紛擾香港社群幾個月的編輯戰佮欲予使用 OpenStreetMap 的人啥款的山區內容。

欲改逐家慣勢的山名的人，用一本家己踏查結果寫的冊，毋是經過學術方式檢驗內容，嘛忽略大眾有慣勢的山名，已經叫幾若年矣。有袂少山的古早名是客家人留落來的，用的漢字較這馬香港話是無啥仝。社群的人改伊的編輯，嘛予伊改轉來，嘛毋聽別人的解說佮顧慮。香港有誠濟用 OpenStreetMap 資料的山 app，予伊按呢改變亂操操。

𪜶編輯戰進行幾個月矣，幾工前我用 Data Working Group 的身份介入，共毋聽勸的口座封鎖，毋過看來伊有足濟口座，繼續編輯伊認為正確的山名佮地號名。好佳哉香港社群的人會當及時改就轉來，猶毋過一寡 app 猶是掠舊的地圖資料，予錯誤的資料留佇頂面。

其實親像 OpenStreetMap 佮維基百科，上驚一寡堅持家己是著的人，別人改in的資料，就趕緊改轉來，嘛無法度溝通。有骨力會社群，毋過予人封鎖，伊繼續創新口座繼續編輯，無咧放棄。

台灣嘛有發生相的代誌，有一个口座叫愛台灣的，毋知佗位揣的山路GPS，共別人的路線畫佇咧 OpenStreetMap 頂懸。有真濟揣無其他來源，可能是探查的路線嘛予人畫去。

嘛有人毋管基石佮上懸所在分開標示，共基石攏總改做山峰，予袂少人誤會。幾年前 OpenStreetMap 社群有共𬦰山社群講好矣，就是基石就是基石，山峰佮基石應該獨立標示。

臺灣遮的 OpenStreetMap 的發展重點佇咧𬦰山山路的部份，佮非洲、南亞、東南亞的國家是救災目的無仝。歐美遐的國家有完整的山路開放資料，所以逐家不論是公司、社團想欲做𬦰山地圖誠容易。臺灣無商業力量想欲做𬦰山地圖，煞予 OpenStreetMap 有機會發揮。

看著香港最近的事件，仝款有𬦰山的人愛開放街圖，靠熱心貢獻者，會當畫完整的山路。

• HK01 報導：行山｜共享地圖OpenStreetMap爆改地名大戰　山友憂慮增加意外
• 山城縱走 hkhiker意見
• 記者會直播

最近佇咧 OSM dialy 遐有人寫文章，認為 talk-tw 的討論變矣，傷排外用手段阻止編輯。我佇咧想你敢是佮我看仝款的 mailing list，這幾年大都是 weeklyOSM 的出版公告，猶閣有匯入佮大量編輯的通告，確定逐家無問題就動手來做，講實在是無啥物咧討論。

古早時代 talk-tw mailing list 有社群進行串聯熟似彼此，制定臺灣各級行政區的標籤方式，欲社群聚會的時間討論等等重要的議題。後來真濟討論走去較濟人的 Facebook 社團遐，mailing list 就無啥人用。

社群討論不論是佇咧佗位，毋就是欲出聲討論，逐家攏有無仝看法佮做法，提出來嘛會當修正，嘛無看著有其他人的意見 。社群機制親像臺灣原住民區域遐的部落會議，進前亞泥佮在地部落欲諮詢部落敢會當繼續開採礦場，欲開部落會議來投票，過程有好好討論就好，來爭取各方支持。

在地力量在地社群辛辛苦苦咧維護，揣𪜶討論，應該毋是傷過份的代志。進前嘛有外國公司，一个 Snap 想欲模仿 Google 按呢佇 OpenStreetMap 遐存各國認為的「國家」邊界，臺灣予𪜶認為是中國的，所以愛有一个中國認為的臺灣是𪜶的邊界，予社群認為無共識閣爭議傷濟予阻止。採取較激烈的手段是欲為著落尾的討論來起頭，因為好好佇咧編織討論留話，真濟擺是無人回的。

嘛有公司推捒無啥問題的物件，親像 Here 創臺灣的 Maprouttle Challenge 修正臺灣遮的地圖小問題，Apple 嘛有用 Maprouttle Challenge 希望社群有人會當鬥跤手來修正地圖的問題。

我遮有共 Talk-tw 當做愛發文來吸引人來回的目的，社群莫干焦一个所在討論，另外一方面是欲記錄，因為 Facebook 討論濟，毋過無好揣，寄批信到 mailing list 留記錄。

臺文漢字版本

進前彼篇文章予人講看無，顯示一般看漢字的人預設彼文章是華語的。但是佇咧台灣推捒本土語言教育的狀況，其實是有可能是寫台文佮客人話文章。這爿囥一寡臺語教學的網站佮書予袂曉臺語的人參考：

• 臺灣閩南語羅馬字拼音教學網
• 台語學習網路資源

這幾年台灣的OpenStreetMap社群嘛有重視濟語言的工課，先共重要的都市庄頭標示台語佮客語的名號，甚至是原住民區的部落，嘛標示𪜶族語的名號。

看無毋捌意思的漢字文章毋是真大的代誌，無受著相關的語言教育的人誠自然就毋捌，乖乖請人抑是倩人來翻譯就好矣。較熟似香港文化的人，嘛看會著粵語字。

頭前講著OpenStreetMap的濟語言標示，毋但是國際西洋的語言，嘛愛處理在庄的本土語言。這幾年咱的社群愈來愈重視，共縣市，鄉鎮市區，甚至是角頭的小地號名嘛加上台語名號。車頭，捷運站，重要的公車轉運站嘛是加上台語名號。不而過客語較無法度，愛有客人參與，這馬客人較無貢獻。

• name:nan
• name:nan-HJ
• name:nan-POJ
• name:nan-TL
• name:hak

國外西洋的地號名的部份，有固有的地號名就用固有的，親像Russia翻做露西亞。原住民的部份，因為in有完整的部落清單佮羅馬字寫法，所以會當沓沓仔共𪜶的地號名加上本底的GNS地號名遐，就是愛有人做。歡迎有興趣的人來幫贊鬥陣來完成。

Tâi-lô pán-pún

Tsìn-tsîng hit-phinn bûn-tsiong hōo-lâng kóng khuànn-bô, hián-sī it-puann khuànn hàn-jī ê lâng ū-siat hit bûn-tsiong sī huâ-gú ê. Tān-sī tī-teh Tâi-uân thui-sak pún-thóo gū-giân kàu-io̍k ê tsōng-hóng, kî-si̍t sī ū-khó-lîng sī siá Tâi-bûn kah Kheh-lâng-uē bûn-tsiong. Tsit-pîng khǹg tsi̍t-kuá Tâi-gú kàu-ha̍k ê bāng-tsām kah tsu hōo buē-hiáu Tâi-gú ê lâng tsham-khó:

• Tâi-uân Bân-lâm-gú lô-má-jī phing-im kàu-ha̍k-bāng
• Tâi-gú ha̍k-si̍p bāng-lōo tsu-guân

Tsit-kuí-nî Tâi-uân ê OpenStreetMap siā-kûn mā-ū tiōng-sī tsuē-gū-giân ê khang-khuè, sian kā tiōng-iàu-ê too-tshī tsng-thâu piáu-sī Tâi-gú kah Kheh-gú ê miâ-hō, sīm-tsì sī guân-tsū-bîn-khu ê pōo-lo̍k, mā piáu-sī in tso̍k-gú ê miâ-hō.

Khuànn-bô m̄-bat i-su ê hàn-jī bûn-tsiong m̄-sī tsin-tuā ê tāi-tsì, bô-siū-tio̍h siong-kuan gū-giân kàu-io̍k ê lâng tsiânn tsū-jiân tō m̄-bat, kuai-kuai tshiánn-lâng ia̍h-sī tshiànn-lâng lâi huan-i̍k tō-hó–ah. Khah-si̍k-sāi Hiong-káng bûn-huà ê lâng, mā khàunn ē tio̍h Ua̍t-gú-jī.

… See full entry

漢字版本

最近有一个中國來的口座正規化KFC的標籤，舞的範圍有夠大，編輯變動的範圍猶閣有共臺灣包入去，予一寡QA工具攏無法度正常視覺化顯示變啥物魍，應該是 Overpass API 的限制造成的，愛手工檢查是毋是有真真正正共臺灣範圍的物件創到。伊的編輯留話的所在有特別強調無創「臺灣地區」的 KFC，我是感覺這敢有需要特別強調？

建議是講，雖然 QA 工具出問題，無法度確認是毋是有問題的編輯，雖然是弄一个國家範圍的物件，欲共舞的範圍創較細的，分幾若擺來編輯上傳，較袂引起誤解，嘛較簡單會當審核內容敢有問題。有法度閃避遮的問題，𠢕人嘛會當專心畫𪜶所在的物件，毋免予人感覺有問題愛閣開時間溝通討論。

臺灣雖然是小所在，嘛是有真濟辛辛苦苦拍拚骨力，維護圖資的圖客，足頂真依照事實，猶閣有眼前會當看著的物件來畫地圖。毋過不時有人欲來挑戰加上非事實的物件，強逼臺灣遮的人愛接受非在庄在地草地觀察會著的物仔。這个代誌是無遵守 OpenStreetMap 的現地觀察，才會當加入 OpenStreetMap 的 on the ground truth 原則。

OpenStreetMap 親像𪜶的姊妹仔計畫 Wikipedia 仝款，是人人會當看著怪怪的物件，著會使修正，甚至實際上無存在的物仔嘛會當刣掉，毋免有較懸權限的口座來做。甚至較需要了解佮操作智識的 reverter 嘛毋免一定是管理員才會當做，有社群共識一般的口座就會使做。OpenStreetMap 計畫內是較平等的，無講一定欲予較資深的人較有資格，有理就好。

Tâi-lô pán-pún

Tsuè-kūn ū tsi̍t-ê Tiong-kok lâi-ê kháu-tsō chèng-kui-hòa KFC ê piau-tshiam, bú-ê huān-uî ū-kàu-tuā, pian-tsi̍p piàn-tōng ê huān-uî ū kā Tâi-uân pau-ji̍p-khì, hōo tsi̍t-kuá QA kang-kū lóng bô-huat-tōo tsìng-siông sī-kak-huà hián-sī pìnn-siánn-mn̍gh-báng, ing-kai-sī Overpass API ê hān-tsè tsō-sîng-ê, ài tshiú-kang kiám-tsa sī-m̄-sī ū tsin-tsin-tsiànn-tsiànn kā Tâi-uân huān-uî ê mn̍gh-kiānn tshòng-kàu. I-ê pian-tsi̍p lâu-uē ê sóo-tsāi ū ti̍k-pia̍t kiông-tiāu bô-tshòng “Tâi-uân tuē-khu” ê KFC, guá sī kám-kak tsē kám-ū su-iàu ti̍k-pia̍t kiông-tiāu?

Kiàn-gī sī-kóng, sui-jiân QA kang-kū tshut-būn-tê, bô-huat-tōo khak-jīn sī-m̄-sī ū-būn-tê ê pian-tsi̍p, sui-jiân sī lōng tsi̍t-ê kok-ka huān-uî ê mn̍gh-kiānn, bueh kā bú-ê huān-uî tshòng khah-suè–ê, hun kuí-nā-pái lâi pian-tsi̍p siōng-thuân, khah-buē ín-khí gōo-kái, mā khah-kán-tan ē-tàng sím-hi̍k luē-iông kám-ū būn-tê. Ū-huat-tōo siám-phiah tsia-ê būn-tê, gâu-lâng mā ē-tàng tsuan-sim uē in sóo-tsāi ê mn̍gh-kiānn, m̄-bián hőng kám-kak ū-būn-tê ài koh khui-sî-kan koo-thong thó-lūn.

… See full entry

漢字版

中國遐有人寫日記哼(hainn)有大量學生佇中南大學畫地圖，看起來是老師按學生畫學校附近，但是缺少 QA 的程序，予袂少有問題的資料無人插。這是早慢欲面對的問題，社群愛動員去修理，抑是畫甲傷䆀做理由攏刣刣掉矣。嘛會使揣 Data Working Group 協助，共講袂聽的口座封一寡時間，予社群成員有時間清理佮修正。

臺灣遮的經驗是，共一寡看起來是學生做學校指定作業的口座溝通，用變更集留話，通常是無回應的。對社群來講有時間就直接修改好勢，閣來研究𪜶是對佗位來的。無想欲改就攏總刣掉嘛無要緊，必要時予 Data Working Group 處理，處理無回應閣繼續編織的口座，至少無予問題擴大。

會記得臺灣遮上嚴重的底代是美光團，用 HOT Task Manager 佇咧畫彰化，雲林遐的建築，最後因為問題建築傷濟矣，無法度修改好勢，予 Data Working Group 資料攏刣刣掉。

其他的代猶閣有彰化遐學校學生的編輯團，一直毋知是佗位的學校咧畫。猶有人加上心理醫療場所的POI，嘛是有一寡問題，因為應該是共地址用 Google 轉成經維度，資料的授權有淡薄仔問題。

OSM Wiki有組織編輯指引，有團體愛編輯，著愛登記佇 Wiki 頁面，愛留𤆬頭的人聯絡資料，目的，佮時間。臺灣環境資訊協會的啉水地圖計畫就有留資料登記。組織編輯指引應該是 OpenStreetMap 生態系內底，會當參考佮遵守的指引，嘛會當參考別人是按怎處理的。

上好是揣著頭，共老師好好矣溝通，老師愛知影 OpenStreetMap 予袂少重要的網站使用，學生貢獻是愛頂真，袂使清彩處理。通常予學生畫較簡單的事物，親像講學校，徛家附近的店家，莫予學生畫傷複雜，傷大的範圍。

又閣有中國的環境無允准一般人來畫地圖，個人畫地圖是違反𪜶的法律。愛揣到頭人佇Orgaizated Editing Guideline頁面登記，感覺毋是傷好的處理方式。另外學生個人號口座用真實姓名抑是問題。佇中國的網路環境，線頂的口座號一个代號較好，莫用真實姓名號口座的名號是較好的做法。

Tâi-lô-pán

Tiong-kok hiah ū-lâng siā ji̍t-kì hainn ū tuā-liōng ha̍k-sing tī Tiong-lâm Tāi-ha̍k uē tuē-tôo, khuànn-khí-lâi sī lāu-su àn ha̍k-sing uē ha̍k-hāu hù-kūn. Tse-sī siā-kûn tsá-bān bueh bīn-tuì ê būn-tê, siā-kûn ài tóng-guân khì siu-lí, ia̍h-sī uē kah siunn-bái tsuè-lí-iû lóng thài-thài-tiāu ah. Mā ē-sái tshē Data Working Group hia̍p-tsōo, kā kóng-buē-thiann ê kháu-tsō hong tsi̍t-kuá sî-kan, hōo siā-kûn sîng-guân ū sî-kan tshing-lí kah siu-tsìng.

Tâi-uân tsia ê king-giām sī, kā tsi̍t-kuá khuànn-khí-lâi sī ha̍k-sing tsuè ha̍k-hāu tsí-tīng tsok-gia̍p ê kháu-tsō kau-thong, iōng piàn-king-tsi̍p liû-uē, thong-siông sī bô huê-ìng ê. Ū-sî-kan tō ti̍t-tsiap siu-kái hó-sè, koh-lâi gián-kiù in tuì tó-uī lâi ê. Bô siūnn bueh kái tō lóng thâi-tiāu mā bô iàu-kín, pit-iàu sī hōo Data Working Group tshú-lí, tshú-lí bô huê-ìng koh kè-sio̍k pian-tsi̍p ê kháu-tsō, tsì-tsió bô hōo būn-tê khok-tāi.

… See full entry

漢字的版本

最近毋知是按怎，近期的 zh-CN 日記出現誠濟篇指控 OpenStreetMap 無遵守中國的法律，竟然共台灣標示是獨立的國家。

臺灣人看著這款指控真無爽快，不而過猶是有精神來回應，是講 OpenStreetMap 的政策、運作方式佮精神，特別是爭議領土欲按怎處理的方式。

Pe̍h-ōe-jī ê pán-pún

Chòe-kūn m̄-chai sī án-chóaⁿ, kūn-kî ê zh-CN ê ji̍t-kì chhut-hiān chiâⁿ-chōe phiⁿ chí-khòng OpenStreetMap bô chun-siú Tiong-kok ê hoat-lu̍t, kèng-jiân kā Tâi-oân piau-sī sī to̍k-li̍p ê kok-ka.

Tâi-oân-lâng khòaⁿ-tio̍h chit-khoán ê chí-khòng chin-bô sóng-khoài, put-lî-kò iáu-sī ū-cheng-sîn lâi hê-èng, sī-kóng OpenStreetMap ê chèng-chhek, ūn-chok hong-sek kah cheng-sîn, tek-pia̍t sī cheng-gī léng-thó͘ boeh án-chóaⁿ chhú-lí ê hong-sek.

Tâi-lô ê pán-pún

Tsuè-kūn m̄-tsai sī án-tsuánn, kûn-ki ê zh-CN ê ji̍t-kì tshut-hiān tsiânn-tsuē phinn tsí-khòng OpenStreetMap bô tsun-siú Tiong-kok ê huat-lu̍t, kìng-jiân kā Tâi-uân piáu-sī sī to̍k-li̍p ê kok-ka.

Tâi-uân-lâng khuànn-tio̍h tsit-khuán ê tsí-khòng tsin-bô sóng-khuài, put-jî-kò iáu-sī ū tsing-sîn lâi hê-ìng, sī-kóng OpenStreetMap ê tsìng-tshik, ūn-tsok hong-sik kah tsing-sîn, ti̍k-pia̍t sī tsing-gī líng-thóo bueh án-tsuánn tshú-lí ê hong-sik.

Pe̍h-ōe-jī Pán-pún

Tâi-oân chhun-lí ê chu-liāu in-ūi Wikidata siā-kûn chhú-lí hōe-ji̍p ê sî-chūn, the̍h Chú-kè-chhù 2017-nî ê chu-liāu lâi hōe-ji̍p, chō-sêng 2018-nî sin-tiâu-chèng ê chhun-lí, chhin-chhiūⁿ sī Tâi-lâm-chhī hêng-chèng-khu tōa-chéng-pèng, iáu-koh-ū in-ūi jîn-kháu chōe só͘-í hun-thiah ê lí, pēng bô sin-cheng kàu Wikidata téng-koân. Che tō chō-sêng tī OpenStreetMap chit-pêng ū chhun-lí koan-hē tùi-èng bōe-tio̍h Wikidata ê chōng-hóng.

kóng-tio̍h OpenStreetMap chit-pêng, tong-chho͘ Chìn-hoân sī ēng Lōe-chèng-pō͘ Kok-thó͘ Chhek-hōe Tiong-sim sek-hòng ê shape tóng-àn, lâi chhú-lí tùi-èng Hō͘-e̍k-chèng Hē-thóng Tāi-bé, iáu-koh-ū āu-sio̍k tùi-èng Wikidata sî, chhái-iōng pí-kàu sin jî-chhiáⁿ keng-sin khah kín ê chu-liāu, in-chhú tī OpenStreetMap chia kan-ta chha 一个 2021-nî 2-ge̍h chhoe-it sêng-li̍p ê lí, sī tī-teh Hûn-lîm-koān Táu-la̍k-chhī ê Chèng-sim-lí, só͘-í būn-tê bô-tōa, sin-cheng-ka koan-hē tō ē-sái lah.

Hôe kàu Wikidata chit-pêng, 2019-nî khai-sí ū-chi̍t-kóa Wikidata ê chham-ú-chiá khai-sí hōe-ji̍p chhun-lí, siông-sòe khòaⁿ chhun-lí hāng-bo̍k ka ê chham-khó-chu-liāu, sī ēng Chú-kè-chhù ê chhun-lí tùi-èng Hō͘-e̍k-chèng hē-thóng tāi-bé ê tóng-àn. Chú-kè-chhù ê tóng-àn kan-ta keng-sin kàu 2017-nî 1-ge̍h 31-hō, í-āu tō bô keng-sin lah, ti̍t-chiap iōng Lōe-chèng-pō͘ ê Hō͘-e̍k-chèng hē-thóng tāi-bé. Chin-chōe-lâng chōe chhun-lí hōe-ji̍p ê sî-chūn iōng-tio̍h kū ê chu-liāu, chō-sêng āu-lâi sin-cheng-ka ê chhun-lí pēng bô hōe-ji̍p kàu Wikidata téng-koân, kè-kiong ū 75-ê sin-cheng-ka ê chhun-lí, pēng-bô siu-lio̍k kàu Wikidata.

Wikidata chit-pêng chòe hōe-ji̍p ê lâng, 2020-nî lōng chhun-lí, mā bô-chù-ì tio̍h hit-sî-chūn ū chi̍t-kóa chhun-lí í-keng chéng-pèng siau-sit leh, m̄-koh in-ūi chhái-iōng chú-kè-chhù kū-ê chu-liāu só͘-í bô-hoat-tō͘ hoat-kak kàu būn-tê. Lán mā ē-tàng khòaⁿ-tio̍h chia-ê hōe-ji̍p chhun-lí hāng-bo̍k khiàm-chió Eng-bûn ê chōng-hóng.

… See full entry

PE̍H-ŌE-JĪ pán-pún:

Góa tī-teh MapComplete Telegram kûn-cho͘ ê liû-giân:

Kí-gōa nî-chêng, Tâi-oân ū-chi̍t-kóa tô͘-kheh khai-sí Lim-chúi tōe-tô͘, chia-ê tô͘-kheh put-chí-sī piáu-sī lim-chúi-tiám, mā siūⁿ-boeh kā Lim-chúi tōe-tô͘ bāng-chām ê têng-sek-bé, ōaⁿ pa̍t-ê chú-tê thui-chhut lēng-gōa ê chú-tê tōe-tô͘, lâi thui-sak Khai-hóng kòe-tō͘. M̄-koh chiâⁿ khó-sioh bô-hoat-tō͘ the̍h-tio̍h chu-goân lâi thui-sak bô-kâng ê chú-tê tōe-tô͘, khip-ín Tâi-oân-lâng lâi chham-ú Khai-hóng koe-tô͘.

Chin-hoaⁿ-hí MapComplete ē-tàng tit-tio̍h Khai-hóng Koe-tô͘ Ki-kim-hōe, Khai-hóng Tì-sek Pí-lī-sî, Trage Wegen, OSGeo Belgium, Jîn-tō Kiù-oān Khai-hóng Koe-tô͘ Sió-cho͘, Ûi-sit Tōe-tô͘ téng-téng ê chi-oān, ē-tàng hō͘ kong-iōng pán-pún ê chú-tê tōe-tô͘ 成為 chi̍t-chióng khó-lêng.

Chìn-chêng choān-siá Lim-chúi Tōe-tô͘ siong-koan ê bûn-chiuⁿ, ē-tàng khah chheng-chhó liáu-kái siā-kûn kah NGO chih-chiap ê būn-tê: 1, 2

Tâi-lô pán-pún:

Guá tī-teh MapComplete Telegram kûn-tsoo ê liû-giân:

Kí-guā nî-tsîng, Tâi-uân ū-tsi̍t-kuá tôo-kheh khai-sí Lim-tsuí tuē-tôo, tsia-ê tôo-kheh put-tsí-sī piáu-sī lim-tsuí-tiám, mā siūnn-bueh kā Lim-tsuí tuē-tôo bāng-tsām ê tîng-sik-bé, uānn pa̍t-ê tsú-tê thui-tshut līng-guā ê tsú-tê tuē-tôo, lâi thui-sak Khai-hóng kuè-tōo. M̄-koh tsiânn khó-sioh bô-huat-tōo the̍h-tio̍h tsu-guân lâi thui-sak bô-kâng ê tsú-tê tuē-tôo, khip-ín Tâi-uân-lâng lâi tsham-ú Khai-hóng kue-tôo.

Tsin-huann-hí MapComplete ē-tàng tit-tio̍h Khai-hóng Kue-tôo Ki-kim-huē, Khai-hóng Tì-sik Pí-lī-sî, Trage Wegen, OSGeo Belgium, Jîn-tō Kiù-uān Khai-hóng Kue-tôo Sió-tsoo, Uî-sit Tuē-tôo tíng-tíng ê tsi-uān, ē-tàng hōo kong-iōng pán-pún ê tsú-tê tuē-tôo 成為 tsi̍t-tsióng khó-lîng.

Tsìn-tsîng tsuān-siá Lim-tsuí Tuē-tôo siong-kuan ê bûn-tsiunn, ē-tàng khah tshing-tshó liáu-kái siā-kûn kah NGO tsih-tsiap ê būn-tê: 1, 2

漢字版本：

我佇咧 MapComplete 群組的留言：

幾偌年前，台灣有一寡圖客開始啉水地圖，遮的圖客希望不止是標示啉水點，嘛想共佮啉水地圖網站的程式碼，換別的主題推出另外的主題地圖，來推捒開放街圖。毋過誠可惜無法度提著資源來推捒無仝的主題地圖，吸引台灣人來參與開放街圖。

… See full entry

1. modprobe v4l2loopback
2. ffmpeg -re -f x11grab -draw_mouse 1 -show_region 1 -video_size 1024x768 -r 5 -i :0.0+32,32 -f v4l2 -vcodec rawvideo -pix_fmt yuv420p /dev/video1

https://zh.wikipedia.org/wiki/甬莞高速公路

• 地鐵 railway=subway | route=subway | route_master=subway | building=train_station | station=subway | construction=subway | railway=subway_entrance | public_transport=stop_area | subway=yes | landuse=railway | building=railway
• 水系 type=watershed | route=waterway | waterway=* | natural=water | natural=coastline
• 公交 route=bus | route_master=bus | highway=* | public_transport=platform | public_transport=stop_area
• 政區地名 boundary=administrative | place=* -place=island -place=islet -place=square

deleted