O OpenStreetMap fai fincapé nos coñecementos locais. Os colaboradores axúdanse de imaxes aéreas, dispositivos GPS e mapas de campo rudimentarios para asegurarse de que os datos do OSM son correctos e están actualizados.

A comunidade do OpenStreetMap é diversa, apaixonada e medra cada día. Os nosos colaboradores inclúen cartógrafos entusiastas, profesionais de GIS, enxeñeiros que executan os servidores do OSM, voluntarios que mapean áreas afectadas por desastres e moitas máis persoas. Para obter máis información sobre a comunidade, consulta o blog do OpenStreetMap, os diarios de usuario, os blogs da comunidade e o sitio web da Fundación OSM.

Os datos do OpenStreetMap son datos libres: podes empregalos libremente e para calquera finalidade sempre que recoñezas ó OpenStreetMap e mailos seus colaboradores como os autores dos datos. Se modificas os datos ou os empregas dalgún xeito para outros fins, podes distribuír o resultado sempre e cando o fagas empregando a mesma licenza. Atoparás información máis detallada na páxina de dereitos de autoría e licenza.

Este sitio e moitos outros servizos relacionados están operados formalmente pola Fundación OpenStreetMap (OSMF) en nome da comunidade. O uso de todos os servizos operados pola OSMF está suxeito aos nosos termos de uso, ás nosas políticas de uso aceptable e á nosa política de protección de datos.

Por favor, contacta coa OSMF se tes dúbidas sobre as licenzas, os dereitos de autoría ou outras cuestións legais.

OpenStreetMap, o logotipo da lupa e State of the Map son marcas rexistradas da OSMF.

O aloxamento está fornecido por Fastly, membros corporativos da OSMF e outros socios.