©Contributores
de OpenStreetMap

OpenStreetMap forni datos cartographic a milles de sitos web, applicationes mobile e dispositivos physic

OpenStreetMap es construite per un communitate de cartographos que contribue e mantene datos sur stratas, sentieros, cafés, stationes ferroviari e multo plus, in tote le mundo.

Cognoscentia local

OpenStreetMap mitte le emphase sur le cognoscentia local. Contributores usa imageria aeree, apparatos GPS e cartas ordinari de terreno pro verificar que OSM es accurate e actual.

Dirigite per le communitate

Le communitate de OpenStreetMap es diverse, passionate e cresce cata die. Nostre contributores include cartographos enthusiasta, professionales de GIS, ingenieros gerente le servitores de OSM, humanitarios cartographiante areas devastate per un disastro, e multe alteres. Pro apprender plus sur le communitate, vide le Blog de OpenStreetMap, le diarios de usatores, le blogs del communitate e le sito web del Fundation OSM.

Datos aperte

OpenStreetMap es constituite per datos aperte: tu es libere de usar lo pro qualcunque scopo a condition que tu da recognoscenita a OpenStreetMap e su contributores. Si tu altera o extende le datos in certe manieras, tu pote distribuer le resultato solmente sub le mesme licentia. Vide le pagina pagina Derectos de autor e Licentia pro detalios.

Juridic

Iste sito e multe altere servicios associate es formalmente gerite per le Fundation OpenStreetMap (OSMF) in nomine del communitate. Le uso de tote le servicios gerite per OSMF es subjecte a nostre Conditiones de uso, a nostre Politica de uso acceptabile e a nostre Politica de confidentialitate.

Per favor contacta le OSMF si tu ha questiones sur le licentia o le derecto de autor o altere questiones juridic.

OpenStreetMap, le logotypo con le lupa e "State of the Map" es marcas commercial registrate del OSMF.

Partners

Le allogiamento web es supportate per Fastly, Membros corporative de OSMF e altere partners.