OpenStreetMap forni datos cartographic aperte pro milliardos de sitos web, applicationes mobile, e apparatos hardware. OpenStreetMap es construite per un communitate de personas como tu qui contribue e mantene datos cartographic coperiente vias, sentieros, cafés, stationes de ferrovia, e multo plus, in tote le mundo.

Discoperir plus sur OpenStreetMap e comenciar a cartographar! Tu pote leger plus sur le Blog de OpenStreetMap, e abonar te a weeklyOSM. Trova altere cartographos in tu Communitate OSM local. Pro appoia le projecto, adhere al Fundation OSM e face un donation.

Licentias de OpenStreetMap

OpenStreetMap consiste de datos aperte, licentiate sub le Licentia de base de datos aperte de Open Data Commons (ODbL) per le Fundation OpenStreetMap (OSMF). In summario:

Vos es libere de copiar, distribuer, transmitter e adaptar nostre datos, a condition que vos da recognoscentia a OpenStreetMap e su contributores. Si vos altera o extende nostre datos, vos pote distribuer le resultato solmente sub le mesme licentia. Le codice juridic complete sur Open Data Commons explica vostre derectos e responsabilitates.

Nostre documentation es sub licentia licentia Creative Commons Attribution-CompartiSimile 2.0 (CC BY-SA 2.0).

Pro saper plus sur le uso de nostre datos, consulta le pagina Licentia del Fundation OSM.

Como dar recognoscentia a OpenStreetMap

Ubi tu usa le datos de OpenStreetMap, tu es obligate a facer le sequente duo cosas:

• Forni credito a OpenStreetMap monstrante nostre aviso de attribution.
• Rende clar que le datos es disponibile sub le Licentia Open Database.

Pro le aviso de attribution, nos ha differente requisitos sur le maniera de monstrar lo, dependente de como tu usa nostre datos. Per exemplo, differente regulas se applica pro monstrar le aviso de attribution, dependente de si tu ha create un carta navigabile, un carta imprimite o un imagine static. Plus detalios se trova in le section directivas de attribution del requisitos de licentia.

In general, pro clarificar que le datos es disponibile sub le Open Database License, tu pote ligar a iste pagina de derectos de autor. Si tu distribue OSM in forma de datos, per favor nomina e liga directemente al licentia(s). In medios ubi ligamines non es possibile (p.ex. obras imprimite), per favor include le URL complete sur le pagina, p.ex. https://www.openstreetmap.org/copyright.

In iste exemplo, le credito appare in le angulo del carta:

Violation de copyright

Nos rememora al contributores de OSM de nunquam adder datos de alcun fonte sub derecto de autor (p.ex. Google Maps o cartas imprimite) sin explicite permission del titulares del derecto de autor.

Si tu crede que material protegite per derectos de autor ha essite addite de maniera inappropriate al base de datos de OpenStreetMap o a iste sito, per favor refere a nostre procedura de retiro o submitte un reclamation directemente a nostre pagina de submission in linea.

Marcas de commercio

OpenStreetMap, le logo in forma de lupa e State of the Map es marcas deponite del Fundation OpenStreetMap. Si vos ha questiones sur vostre uso de iste marcas, per favor vide nostre Politica de marcas de commercio.

Servicios additional

Benque OpenStreetMap es datos aperte, nos non pote fornir un API cartographic gratuite o tegulas cartographic a tertios. Vide nostre Politica de uso del API, Politica de uso de tegulas e Politica de uso de Nominatim.

Nostre contributores

Nostre contributores es milles de personas. Nos include anque le datos sub licentia aperte de agentias cartographic national e de altere fontes, inter le quales:

• Austria: Contine datos del Citate de Vienna (sub CC BY), Region de Vorarlberg e le Region de Tirol (sub CC BY AT con emendamentos).
• Australia: Incorpora o ha essite disveloppate usante Administrative Boundaries © Geoscape Australia licentiate per le Commonwealth de Australia sub licentia Creative Commons Attribution 4.0 International (CC BY 4.0).
• Canada: Contine datos de GeoBase®, GeoGratis (© Ministerio de Ressources natural de Canada), CanVec (© Ministerio de Ressources natural de Canada), and StatCan (Division de Geographia, Statisticas Canada).
• Tchechia: Contine datos del Administration Statal de Mesura de Terras e Cadastro licentiate sub licentia Creative Commons Attribution 4.0 International (CC BY 4.0)
• Finlandia: Contine datos del Sondage de Territorio National del Base de Datos Topographic de Finlandia e altere insimules de datos, sub le Licentia NLSFI.
• Francia: Contine datos fornite per le Direction General de Impostos.
• Croatia: Contine datos del Administration Geodetic Statal de Croatia e Portal national de datos aperte (information public de Croatia).
• Nederlandia: Contine datos © AND, 2007 (www.and.com)
• Nove Zelanda: Contine datos proveniente del Servicio de datos de LINZ e licentiate pro reuso sub CC BY 4.0.
• Serbia: Contine datos del Autoritate geodetic serbe e Portal national de datos aperte (information public de Serbia), 2018.
• Slovenia: Contine datos del Autoritate Topographic e Cartographic e del Ministerio de Agricultura, Forestes e Alimentos (information public de Slovenia).
• Espania: Contine datos proveniente del Instituto Geographic National (IGN) e del Systema Cartographic National (SCNE) de Espania, licentiate pro reuso sub CC BY 4.0.
• Africa del Sud: Contine datos proveniente del Direction general: Information geospatial national, derectos de autor reservate al Stato.
• Regno Unite: Contine datos de Ordnance Survey © copyright del Corona e derecto de base de datos 2010-2023.

Pro ulterior detalios sur iste e altere fontes que ha essite usate pro adjutar a meliorar OpenStreetMap, per favor vide le pagina de contributores sur le wiki de OpenStreetMap.

Le inclusion de datos in OpenStreetMap non implica que le fornitor original del datos indorsa OpenStreetMap, forni alcun garantia, o accepta alcun responsabilitate.